正所謂光陰似箭，假期眨下眼就過咗，係舊法院舉辦的“世遺顯耀——澳門歷史城區攝影展”亦已接近尾聲，仲未去睇？咁就要把握最後機會啦！

全場視覺效果最震撼既，莫過於兩幅高三米、闊十六米，相等於實物尺寸三分之二的巨型大三巴橫幅，仲有用Epson藝術微噴技術輸出的靚相。睇“世遺顯耀”展覽，保證唔會浪費你寶貴的一分一秒。

閉幕當日，耀哥（陳顯耀）仲會到現場主講攝影，同大家分享拍攝心得，以及籌辦今次展覽的花絮。免費參加，萬勿錯過哦！睇完聽完都仲未夠癮，推薦你即場買返本《世遺顯耀攝影集》返屋企，咁就隨時隨地都可以睇啦！

閉幕日攝影講座

16/04/2016, 15:00-16:00

（陳顯耀主講）

展覽日期

24/03 - 16/04/2016, 10:00-20:00

（逢星期一休館）

場地

南灣舊法院大樓